បន្ទាប់ពីរងសម្ពាធពីការទម្លាក់ពិដានអត្រាការប្រាក់ ១៨% ដែលកំណត់ដោយរដ្ឋាភិបាលកម្ពុជា កាលពីពេលថ្មីៗនេះ ឥឡូវនេះ ធនាគារនិងគ្រឹះស្ថានមីក្រូហិរញ្ញវត្ថុទាំងអស់កំពុងជួបគ្រោះ ប្រឈមនឹងការប្រកាសរបស់អគ្គនាយកដ្ឋានពន្ធដារ ស្តីពីការណែនាំអនុវត្តបន្ថែមចំពោះអាករលើតម្លៃបន្ថែម (VAT) ដែលក្នុងនោះសេវាកម្មហិរញ្ញវត្ថុមូលដ្ឋានត្រូវតម្រូវឲ្យជាប់អាករបន្ថែម១០%។
វិស័យមីក្រូហិរញ្ញវត្ថុនៅកម្ពុជា ត្រូវបានគេមើលឃើញថា លូតលាស់យ៉ាងលឿនក្នុងរយៈពេលជាច្រើនឆ្នាំចុងក្រោយនេះ។
វិស័យមីក្រូហិរញ្ញវត្ថុនៅកម្ពុជា ត្រូវបានគេមើលឃើញថា លូតលាស់យ៉ាងលឿនក្នុងរយៈពេលជាច្រើនឆ្នាំចុងក្រោយនេះ។
ដោយ សាយ សមិទ្ធិ 3 សប្តាហ៏ម
ក្រុមអ្នកជំនាញនៅក្នុងវិស័យហិរញ្ញវត្ថុ ដែលប្រតិបតិ្តការអាជីវកម្មក្នុងវិស័យនេះបានមើលឃើញយ៉ាងច្បាស់ថា នឹងធ្វើឲ្យមានផលប៉ះពាល់ដល់វិស័យមួយនេះ ដែលបច្ចុប្បន្នពួកគេ មិនទាំងបានរើបម្រាស់រួចពីការកំណត់ពិដានអត្រាការប្រាក់ ១៨% នៅឡើយផង។
ជុំវិញនឹងបញ្ហាក្តៅមួយនេះដែរ ត្រូវបានខាងវិស័យឯកជនដែលជាអ្នករកស៊ីនៅក្នុងវិស័យធនាគារនិងហិរញ្ញវត្ថុ ជួបពិភាក្សាយ៉ាងផុលផុសជាមួយនឹងសភាពាណិជ្ជកម្មកម្ពុជា។
លោកឧកញ៉ា លី ហួរ សហប្រធានក្រុមការងារបច្ចេកទេសទី២ ផ្នែកហិរញ្ញវត្ថុ និងធនាគារនៃសភាពាណិជ្ជកម្មកម្ពុជា បានឲ្យដឹងថា សេចក្តីប្រកាសនេះមិនអាចធ្វើឲ្យខាងធនាគារនិងមីក្រូហិរញ្ញវត្ថុ ទទួលយកបាន និងអនុវត្តបានភ្លាមនោះទេ ដូច្នេះ ទាមទារឲ្យខាងស្ថាប័នហិរញ្ញវត្ថុទាំងអស់នៅកម្ពុជា ត្រូវរៀបចំវិនិយោគលើប្រព័ន្ធព័ត៌មានវិទ្យា ដើម្បីគ្រប់គ្រងលើអាករបន្ថែមនេះ និងឯកសារសំខាន់ៗ ព្រមទាំងជាបន្ទុកបន្ថែមសម្រាប់អតិថិជនសិន។
តំណាងសមាគមធនាគារ និងសមាគមគ្រឹះស្ថានមីក្រូហិរញ្ញវត្ថុជួបប្រជុំគ្នាជុំវិញប្រកាសណែនាំពីអគ្គនាយកដ្ឋានពន្ធដារ
តំណាងសមាគមធនាគារ និងសមាគមគ្រឹះស្ថានមីក្រូហិរញ្ញវត្ថុជួបប្រជុំគ្នាជុំវិញប្រកាសណែនាំពីអគ្គនាយកដ្ឋានពន្ធដារ។
អត្ថបទគួរអានដទៃទៀត !
លោកឧកញ៉ា លី ហួរ ប្រធានក្រុមប្រឹក្សាភិបាលក្រុមហ៊ុន លីហួរ គ្រុប
ឧកញ៉ា លី ហួរ ច្រានចោលព័ត៌មានដែលថាលោកមានទ្រព្យសម្បត្តិ១៥០០លានដុល្លារ
បញ្ហាម្រេចខ្មែរធ្លាក់ថ្លៃ តើគួរដោះស្រាយយ៉ាងដូចម្ដេច? អ្នកជំនាញសេដ្ឋកិច្ចឲ្យយោបល់...
ឧកញ៉ាទាំង៥រូបនេះជាសេដ្ឋីអចលនទ្រព្យដ៏លេចធ្លោបំផុតនៅកម្ពុជា
លោកឧកញ៉ា លី ហួរ មានប្រសាសន៍ថា «អ្វីដែលខាងសមាគមធនាគារកម្ពុជា និងសមាគមមីក្រូហិរញ្ញវត្ថុកម្ពុជា ចង់បានគឺចង់ឲ្យលុបប្រកាសនេះចោលដើម្បីចៀសវាងការប៉ះពាល់ច្រើនដល់បន្ទុករបស់ប្រជាពលរដ្ឋថែមទៀត»។
លោកឧកញ៉ា លី ហួរ បានបន្ថែមថា ខាងសមាគមធនាគារនិងសមាគមមីក្រូហិរញ្ញវត្ថុ បានលើកឡើងនៅក្នុងកិច្ចប្រជុំថា ការយកពន្ធអាករលើតម្លៃបន្ថែមនេះ នឹងក្លាយជាបន្ទុករបស់អតិថិជន ហើយនឹងមានការប្រតិកម្មពីអតិថិជន ជាពិសេស អតិថិជនក្រីក្រដែលប្រើប្រាស់សេវាហិរញ្ញវត្ថុរបស់មីក្រូហិរញ្ញវត្ថុ។
លោកឧកញ៉ាថា តំណាងសមាគមហិរញ្ញវត្ថុទាំងពីរនេះ ក៏បានលើកឡើងថា ពន្ធលើតម្លៃបន្ថែមនៃប្រកាសថ្មីនេះ ក៏ជាបន្ទុកនៃការកើនឡើងថ្លៃប្រតិបត្តិការនិងការវិនិយោគលើប្រព័ន្ធព័ត៌មានវិទ្យាសម្រាប់គ្រប់គ្រងលើអាករលើតម្លៃបន្ថែម ដែលដាក់លើសេវាហិរញ្ញវត្ថុនេះ។
No comments: