មិនធ្លាប់ដឹងសោះថាវិធីកំចាត់ចៃអោយអស់ពីក្បាលក្មេងដោយវិធីងាយៗបែបនេះសោះ

ចៃគឺជាសុបិន្តអាក្រក់បំផុតរបស់អាណាព្យាបាលគ្រប់រូប​ ជាពិសេសពួកគាត់បារម្មណ៏ថាក្មេងអាចនឹងឆ្លងចៃពីក្នុងថ្នាក់រៀន ពេលដែលពួកគេរអ៊ូរថារមាស់ក្បាល។ ពួកគាត់ដឹងថាវាគួរអោយរំខាន និងចង់កំចាត់វាចោលអោយអស់។ ចៃគឺជាសត្វល្អិតដែលមានចំពុះខ្នាតតូច បឺតឈាម មនុស្សជាអាហារ ហើយអាចឆ្លងរាលដាលបានយ៉ាងងាយ។ ជាធម្មតាក្មេងសិស្សសាលារមែងកើតមានចៃ លុះពេលធំឡើងក៏បាត់ទៅវិញដោយខ្លួនអែង។

ទោះបីជាចៃមិនមានគ្រោះថ្នាក់ធំដុំតែវាបង្ករអោយមានការរមាស់ ដែលគួរអោយរំខានយ៉ាងខ្លាំង និងធ្វើអោយស្បែកក្បាលដំបៅ ឡើងកមរមាស់បាន។ បើយើងមិនកំចាត់វាចោលទេ ចៃនឹងឆ្លង និងកើតកូន កើតចៅយ៉ាងលឿន ហើយអាចឈានដល់ការឆ្លងមេរោគបានថែមទៀតផង។ អ្នកអាចរកសាប៊ូ ឬផលិតផលកំចាត់ចៃបាននៅតាមទីផ្សាតែអាចតម្លៃថ្លៃបន្តិច ក្រៅពីនោះមានស្និតសិតចៃដែលអាចកំចាត់ចៃបានខ្លះ។  

បើសិនជាអ្នកព្យាយាមគ្រប់វិធីអស់ហើយតែនៅតែមិនអាចកំចាត់ចៃអស់ទៀត សូមកុំបារម្មណ៏យើងខ្ញុំនៅទីនេះមានវិធីជួយអ្នកកំចាត់ចៃអោយអស់ពីក្បាលក្មេងដែលវិធីនេះយើងខ្ញុំធ្លាប់បានពិសោធន៍ពីមុនមកហើយ ថាមានប្រសិទ្ធភាពខ្ពស់ ។

វត្ថុដែលអ្នកចាត់ត្រៀមគឺ៖

• ថ្នាំខ្ពុរមាត់លីស្ទើរីន (អាចប្រើយីហោផ្សេងក៏បាន)។

• ស្និតសិតចៃ។

• ទឹកខ្មេះ។

• កន្សែងពោះគោពីរផ្ទាំង។

• មួក ឬថង់ផ្លាស្ទិក។

តំបូងសូមកក់សក់ក្មេងដោយទឹកថ្នាំខ្ពុរមាត់នោះអោយជោកសព្វក្បាល រួចហ៊ុំមួកផ្លាស្ទិកឬថង់ផ្លាស្ទិកអោយជិតក្បាលហើយទុកចោលយ៉ាងហើចណាស់១ម៉ោង។​ បន្ទាប់មកកក់សក់ក្មេងដោយទឹកខ្មេះ រួចហើយហ៊ុំមួកផ្លាស្ទិកទុកចោល១ម៉ោងទៀត។ រួចហើយបើកមួកចេញហើយកក់សក់ក្មេងដោយសាប៊ីកក់សក់ធម្មតា។ ចុងក្រោយប្រើស្និតសិតចៃដើម្បីអោយចៃជ្រុះអស់ពីក្បាល។ អាថ៌កំបាំងនោះគឺ​ ក្លិនរបស់ថ្នាំខ្ពុរមាត់មានឥទ្ធិពលធ្វើអោយចៃធ្លាក់ចេញពីក្បាលបានព្រោះវាមិនអាចធន់នឹងក្លិនដូចជីអង្កាមនោះបាន។ អ្នកអាចយកថ្នាំខ្ពុរមាត់ចាក់ដាក់ក្នុងដបសំរាប់បាញ់លើសក់ក្មេងបន្តិចមុនទៅសាលាដើម្បីការពារការឆ្លងចៃពីអ្នកដ៏ទៃ ហើយវាវិធីដែលល្អជាងការទិញសាប៊ូកំចាត់ចៃនៅទីផ្សាទូទៅ ព្រោះផលិតផលទាំងនោះវាពោរពេញទៅដោយសារជាតិគីមីដែលប៉ះពាល់ដល់ស្បែកក្បាលកូនៗរបស់ខ្លួន។​

គុណសម្បត្តិនៃការកំចាត់ចៃដោយវិធីធម្មជាតិជំនួសការប្រើសាប៊ូកំចាត់ចៃគឺ វិធីធម្មជាតិនេះប្រាសចាកពីផលប៉ពាល់ផ្សេងៗដូចជា៖

• វានឹងផ្តល់ផលបានយូរក្រោយពីការព្យាបាលហើយ។

• មានតម្លៃថោក។

• ប្រើគ្រឿងផ្សំតែពីរប្រភេទតែអាចកំចាត់ចៃយ៉ាងមានប្រសិទ្ធិភាព។

• គ្រឿងផ្សំមិនប៉ះពាល់ដល់សុខភាពកូនៗ។

• ជួយអោយសក់មានពន្លឺ និងក្លិនក្រអូប។

ប្រភព: បរទេស